Lars Olsen koyrdur sum venjari í Esbjerg

Fyrrverandi føroyski landsliðvenjarin, Lars Olsen, er sagdur úr starvi, sum venjari í Esbjerg.

Tað boðar felagið frá í morgun. 

Spælararnir, sum Lars Olsen hevur havt ábyrgdina av, hava ikki álit á Lars Olsen. Tað gjørdist púra greitt sunnukvøldið, tá Esbjerg hevði tapt ímóti 1-3 ímóti OB í Odense.

Mánadagin kravdi hópurin, at Lars Olsen varð sagdur úr starvi, og tað játtaði leiðslan í Esbjerg.

14 dystir

Lars Olsen hevur verið venjari hjá Esbjerg í 14 dystum. Hann tók við starvinum stutt eftir, at hann gavst sum landliðsvenjari hjá føroyska landsliðnum. 

Og tað hevur ikki gingið serliga væl hjá honum í Esbjerg. Tveir sigrar, tríggir javnleikir og sjey tap var úrtøkan eftir 12 dystir í Superliguni. 

Esbjerg, sum stríðist við at lívbjarga sær í bestu donsku fótbóltsdeildini, hevur ikki kunngjørt, hvør tekur við eftir Lars Olsen.