- Tíðindi, mentan og ítróttur
Fleiri skulu hava møguleika at velja
Nú skulu fólk, sum eru undir verjumáli, og hava fingið rættarliga myndugleikan frátiknan eftir verjumálslógini, hava valrætt á kommunuvali og kunna stilla upp til kommunustýri.
Eitt uppskot um at broyta vallógina er sent til hoyringar.
Landsstýrið vil, at fleiri veljarar verða í Føroyum.
Og nú fáa fólk, sum eru undir verjumáli, og hava fingið rættarliga myndugleikan frátiknan eftir verjumálslógini, sama rætt sum onnur í sambandi við kommunuval.
17 fólk
1.januar í ár vóru 17 slík fólk skrásett í Føroyum.
Meginfelagið MEGD hevur biðið landsstýrið broyta vallógina.
Skulu tey, sum eru undir verjumáli og fingið rættarliga myndugleikan frátiknan, eisini hava valrætt og valbæri til løgtingið, skal stýriskipanarlógin broytast.