Føroyar á reyðan koronulista

Tað ger - um norska stjórnin fylgir tilmælinum hjá landslæknanum - at fólk, sum koma úr Føroyum til Noregs, eiga at fara í sóttarhald í Noregi í tíggju dagar.

Landslæknin mælir eisini til, at fimm onnur lond í Evropa vera reyð. Tey eru Ísland, Pólland, Malta, Kýpros og Niðurlond.

Nógvu smittaðu fólkini í hesum fimm londunum ger, at norski landslæknin kemur við tilmæli sinum.

Danmark sleppur heldur ikki undan

Mælt verður eisini til, at landslutirnir Östergötland, Blekinge, Värmland, Uppsala, Dalarna og Örebro í Svøríki gerast reyðir.

Og Danmark sleppur heldur ikki undan. Mælt verður til, at Sæland, tó ikki høvuðsstaðarøkið, og Miðjútland fara á reyða listan.

Atlantic Airways flýgur ikki til Noregs tað, sum eftir er av hesum árinum.