Alment tilnevndur í næstu viku

Alment tilnevndur í næstu viku
Joe Biden, ið stillar upp til forsetavalið 3. november, kann gerast elsti amerikanski forsetin, vinnur hann valið
 
12.08.2020 - 05:48

Í døgunum frá 17. til 20. august verður landsfundur hjá Demokratiska flokkinum, og á tí fundinum fer Joe Biden alment at taka við tilnevngini frá flokkinum um at gerast teirra valevni til forsetavalið í november.

 Nógv hava bíðað ótolin eftir at frætta, hvør tað fer at verða, men nú siga keldur hjá Reuters, at varaforsetavalevnið allarhelst verður kunngjørt í hesi vikuni.

 >> SÍ EISINI Biden vælumtóktur í veljarakanningum

Enn hevur Joe Biden ikki boðað frá, hvør skal vera hansara valevni sum varaforseti. Og mánadagin skrivaði The New York Times, at Joe Biden fer at kunngera sítt varaforsetavalevni í seinasta lagi í dag, mikudagin.

Joe Biden hevur mestsum bundið seg til, at varaforsetavalevnið skal vera ein kvinna, og í seinastuni er trýst eisini lagt á hann um, at tað skal vera ein afro-amerikansk kvinna.

Kann gerast elsti forseti í søguni

Mett verður, at senatorurin Kamala Harris úr Kalifornia og fyrrverandi trygdarráðgevin Susan Rice eru millum fremstu evnini til at stilla upp saman við Joe Biden.

Valið av varaforseta kann fáa størri týdning enn tað hevur havt fyrr, tí Joe Biden verður 78 ára gamal, tá nýggi forsetin verður tikin í eið í januar.

Tað merkir, at um Biden vinnur valið, verður hann elsti amerikanski forsetin í søguni. Og høgi aldurin kann eisini merkja, at hann ikki stillar upp aftur um fýra ár, men tá letur stafettina víðari til varaforsetan.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565