Ísland herðir krøvini til ferðafólk

bannari
Ísland herðir krøvini til ferðafólk
Tey skulu kannast tvær ferðir, og ferðafólk skulu sjálva rinda fyri kanningina
Ferðafólk, sum koma til Íslands, skulu sjálvi rinda fyri koronukanningina
 
17.08.2020 - 14:08

Frá mikudegnum herðir Ísland krøvini til fólk, sum koma til landið. Fólk skulu kannast fyri korona, tá tey koma til Íslands, og so aftur fimm samdøgur seinni. Og tey skulu sjálvi rinda fyri kanningina.

Tað kostar 400 kr. í okkara peningi, tá fólk hava boðað frá, at tey koma. Annars er prísurin 500 kr. fyri eina kanning, skrivar DR.

Sóttarhald

Fólk, sum koma til Íslands, skulu vera í sóttarhaldi, til seinna kanningin er gjørd. Tey skulu vera, har tey skulu vitja, og ikki koma í samband við onnur fólk, eru boðini frá íslendsku myndugleikunum.

Onnur krøv verða eisini sett fólki, sum ikki hava loyvi at vitja matstovur, handla, ella at vera í tjaldi ella húsvogni.

Í staðin skulu fólk gista á gistingarhúsi ella privat, men har er treytin, at tey sleppa framat baðirúmum, sum onnur ikki nýta.

Fólk hava kortini loyvi at koyra bil, og at ganga ein túr, upplýsir danska uttanríkisráðið fyri DR.

Eru fólk sjúk, tá tey koma til Íslands, fáa tey boð um at fara í sjálvboðið sóttarhald. Ber tað ikki til, kunnu myndugleikarnir vísa á okkurt at vera í.

2.000 fólk eru sjúk

Fyrst í mai gjørdu myndugleikarnir av at linka krøvini, og seinast í mai var mestsum vanligur gerandisdagur aftur í Íslandi.

Seinastu vikurnar eru nógvir koronutilburðir staðfestir í landinum. Í løtuni eru fleiri enn 2.000 fólk sjúk av koronu.

357.000 fólk búgva í Íslandi.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592