Håkan Ericson kunnger sín fyrsta landsliðshóp

Håkan Ericson, landsliðsvenjarin hjá føroyska fótbóltslandsliðnum við monnum, fer fyrrapartin at kunngera, hvørjir spælarar vera í hópinum, sum skal spæla Nations League-dystirnar móti Malta og Andorra í næstum.

Føroyar taka ímóti Malta á Tórsvølli 3. september, og tríggjar dagar seinni skal landsliðið á vitjan hjá Andorra.

U21-landsliðsvenjarin, Sámal Erik Hentze, fer eisini at kunngera, hvørjir spælarir vera í hópinum, sum skal spæla EM-undankappingardystirnar móti Ísrael og Norðurmakedónia, sum verða á Svangaskarði 2. og 8. september.