Sólja gevst sum umboðsmaður

Ein nýggjur løgtingsins umboðsmaður skal finnast at taka við 1.januar næsta ár.

Sólja í Ólavsstovu, sum hevur verið í starvinum síðani 2006, gevst í ár.

Formansskapurin hjá løgtinginum er farin undir at fyrireika setanina av nýggjum umboðsmanni.

Starvið verður ikki lýst leyst. 

Fimta hvørt ár

Løgtingið finnur eitt fólk, sum flokkarnir kunnu semjast um, og so verður tað fólkið biðið.

Er svarið ja, verður uppskotið lagt fyri løgtingið at atkvøða um. Tað verður gjørt fimta hvørt ár.

Hetta er triðja setan hjá Sólju í Ólavsstovu.

Jógvan Andreassen var fyrsti løgtingsins umboðsmaður. Hann var í fimm ár, og byrjaði 1.januar í 2001.