KÍ er føroyameistari

NSÍ megnaði ikki at vinna á ÍVB á heimavølli, og tað hevur við sær, at KÍ er føroyameistari, hóast nærum helmingurin av kappingini er eftir at spæla

Aftur á tindinum: KÍ er føroyameistari fyri aðru ferð á rað

Símun Christian Olsen

30.08.2020 - 17:01

KÍ er føroyameistari í Betrideildini við kvinnum aðru ferð á rað.

Tað gjørdist greitt í dag, eftir at tær bláu vunnu 5-0 á B36, og NSÍ misti stig í javnleiki móti ÍVB í Runavík.

Einaráðandi

KÍ hevur verið einaráðandi í landskappingini í ár.

Tær hava spælt 14 dystir higartil og hava vunnið teir allar.

Hørð kapping um annað plássið

Kappingin um hvør skal verða næstbest, er hinvegin hørð.

Nýggja liðið í Betrideildini, NSÍ er nummar tvey í løtuni við 17 stigum, men tað eru bert seks stig niður til B36 á fimta plássi.

Dystirnir í dag:

B36-KÍ, 0-5
0-1 Tóra Mohr, 3 min.
0-2 Sanna Svarvadal, 61 min.
0-3 Evy á Lakjuni, 76 min.
0-4 Hervør Olsen, 83 min.
0-5 Durita Hummeland, 89 min.

EBS/Skála-HB, 1-0
1-0 Lea Lisberg, 44 min.

NSÍ-ÍVB, 2-2
0-1 Mary Ann Zachariassen, 9 min.
0-2 Jacoba Langgaard, 21 min.
1-2 Monika Samuelsen, 65 min.
2-2 Margunn Lindholm, 90+7 min.