Forsetin í Kosovo leggur frá sær

Forsetin í Kosovo, Hacim Thaci, leggur frá sær alt fyri eitt, skrivar týska tíðindastovan, DPA.

Hann leggur frá sær, tí hann skal fyri ein serligan dómstól í Haag, skuldsettur fyri krígsbrotsverk og brotsverk móti mannaættini, skrivar AP-tíðindastovan.

Avgerðina at leggja frá sær kunngjørdi hann á tíðindafundi í høvuðsstaðnum, Pristina. 

Hann segði, at hann vil verja virðingina fyri forsetaembætinum.

Formaðurin eisini lagt frá sær

Hann boðaði frá hesum stutt eftir, at formaðurin í flokkinum hjá Thaci, Kadri Veseli, segði, at hann eisini er ákærdur, og legði tí frá sær sum formaður beinanvegin.

Thaci, Veseli og fleiri onnur skulu, sambært ákæruni, hava framt meira enn 100 dráp og brotsverk móti mannaættini, millum annað politiskum mótstøðufólkum av ymsum etniskum uppruna.

Thaci hevur verið forseti síðani 2016.