Kommunuval í ótíð, um eingin er at stýra

bannari
13.11.2020 - 13:34
AktueltPolitikkur
Kommunuval í ótíð, um eingin er at stýra
Sjey valevni á valinum týsdagin fingu onga atkvøðu
Sjey valevni á valinum týsdagin fingu onga atkvøðu
 

Tað kann gerast neyðugt hjá landsstýrinum at skipa fyri kommunuvali í ótíð, um eingin er at fara í eitt kommunustýri.

Um allir listar í einari kommunu eru tømdir, sum tað eitur - tað vil siga, at einki tiltaksfólk er eftir, skal landsstýrið skipa fyri vali, so til ber at manna bygdaráð ella býráð aftur. 

Tað sigur kommunuvallógin. Hon sigur eisini, at um eingin er eftir á einum lista, verður tiltaksfólk tikið av listanum, sum er næst í býtingartali.

Fólk kunnu stýra einari kommunu, hóast tey ikki fingu eina einastu atkvøðu á kommunuvalinum.

Sjey valevni á valinum týsdagin fingu onga atkvøðu.

Húsavík er eitt dømi

Í Húsavíkar kommunu kann tað til dømis gerast neyðugt at fáa fólk í bygdaráðið, sum onga atkvøðu fekk týsdagin.

Á lista B vóru trý fólk. Tvey teirra eru vald í bygdaráðið. Triðja valevnið á listanum fekk onga atkvøðu.

Um annað teirra, sum er valt í bygdaráðið, til dømis flytur úr kommununi, kemur tann triði á lista B í bygdaráðið.

Tað er hent ið hvussu so er einaferð, at fólk er komið í eitt kommunustýri, hóast tað onga atkvøðu fekk. 

Tí sambært lógini skal ein listi tømast hvussu nógvar atkvøðurnar eru, eisini um eingin atkvøða er. 

Hóast fólk ikki vilja stilla upp, er tað ein borgaraskylda at stilla upp, um fólk, til dømis uttan at tey vita av tí, verða sett á ein lista.
 

Er kopiera
Nýggjastu sendingar í ÚV
Leygardag 23. september
Morgunlestur leygardagur 23. september 2023
162927
Fríggjadag 22. september
Vikuskiftið 22 sept 2023
163195
Fríggjadag 22. september
RagnarRokk: Danny Hynes um New Clear Power
163174
Fríggjadag 22. september
Breddin: Hans Pauli Henryson og Ukraina
163161
Nýggjastu sendingar í SV
Fríggjadag 22. september
Veðrið
163197
Hósdag 21. september
Vit eru enn til
163137
Hósdag 21. september
Fagnaðarløta fyri Martini Joensen
162865
Týsdag 19. september
Veðrið
163001
Mánadag 18. september
Andakt við Ellindi Abrahamsen
162894