Trupult at fáa skipið av aftur

Tað gongur striltið at fáa 135 metra langa norska bingjuskipið, NCL Salten av aftur, eftir at tað hósdagin rendi á land í Trondheim við 16 míla ferð og endaði heilt uppí í havanum hjá einum manni, sum búði niðri við fjørðuna.

Fleiri skriðjulop eru hend við strondina síðani skipið fór á land, og fleiri ferðir hevur verið neyðugt at flyta fólk úr húsunum nærhendis.

Jarðfrøðingar eru í gongd við at kanna økið, har skipið stendur, og í dag verður farið í gongd við at flyta bingjurnar av skipinum, so skipið verður lættari.

Eftir tað verður støða tikin til, um tað er ráðiligt at royna at toga skipið av aftur, upplýsa norskir myndugleikar fyri NRK.