Vil kanna eldsbrunan eina ferð aftrat

Danski løgmálaráðharrin, Nick Hækkerup, nevnir nú møguleikan fyri at kanna eldsbrunan á ferðafólkaferjuni Scandinavian Star eina ferð aftrat.

Nick Hækkerup var í samráði á Christiansborg í dag.

Eldur kom í Scandinavian Star í apríl í 1990, tá ferjan var á veg úr Oslo til Keypmannahavnar. Eldsbrunin kravdi 159 mannalív. 

Tað er framvegis ein gáta, hví eldur kom í skipið, hóast málið er kannað fleiri ferðir.

- Hetta er ein ræðulig og syrgilig hending, og vit skylda teimum avvarðandi, at málið verður kannað út í æsir, segði Nick Hækkerup í samráðnum.

- Men vit eiga at vera varin og ikki geva falskar vónir, segði løgmálaráðharrin.