Bústaðarpakkin lagdur fram

Bústaðarpakkin hjá landsstýrinum varð lagdur fram í gjár.

Sambært uppskotinum, sum Elsebeth Mercedis Gunnleygsdóttir, landsstýriskvinna, legði fram, kunnu Bústaðir byggja fyri 450 mió. kr. 

125 mió. kr. fara til bústaðabygging uttan fyri miðstaðarøkini.

Og 200 mió. kr. skulu brúkast til bústaðir til serligar málbólkar, eitt nú búfelagsskapir til fólk við sálarsjúku og lestrarbústaðir.

Endamálið við bústaðarpakkanum er eisini at eggja til samstarv millum Bústaðir og privatar íleggjarar, sigur landsstýrið.

Fyrsta viðgerð verður fríggjadagin.