Brexit avgerð útsett

Boris Johnson forsætisráðharri í Bretlandi, og Ursula von der Leyen, forkvinna í ES-kommisjónini, samdust ístaðin um, at útseta endaligu avgerðina til sunnudagin.

Tað var úrslitið eftir at tey bæði høvdu ein døgurðafund í gjárkvøldið. Samráðingarnar hava staðið í botni síðstu dagarnar, tí langt er millum partarnar í nøkrum týðandi málum.

Partarnir framvegis langt frá hvørjum øðrum

Fundurin í gjár var tískil ein roynd at fáa glið á aftur, og møguliga góðtaka avtaluna, ið skal skipa viðurskiftini millum ES og Bretland frá nýggjárinum, tá skiftistíðarskeiðið, Bretland er í nú, endar.

Eftir fundin segði von der Leyen, at tað var ein lívligur og áhugaverdur fundur um ósemjurnar, men legði aftrat, at partarnir framvegis eru langt frá hvørjum øðrum.

Sambært ESkeldum, so er framvegis møguligt at fáa eina avtalu í lag, hóast báðir partar ásanna, at tað verður trupult.