Gera torg uttan fyri Tórsvøll

Gera torg uttan fyri Tórsvøll
Torgið er kravt, um Tórsvøllur skal vera ein altjóða leikvøllur
Arbeiðið upp á torgið byrjar næsta ár, og tað skal vera liðugt í 2023
 
18.12.2020 - 09:17

Nú verður seinasta stigið í verkætlanini um Tórsvøll í Havn gjørt. Tað er torgið uttan fyri sjálvan vøllin.

Tórshavnar Býráð samtykti í gjárkvøldið at gera torgið.

Torgið er kravt, um Tórsvøllur skal vera ein altjóða leikvøllur.

Talan er um alt økið framman fyri FSF høvuðssætið og Niðara vøll - frá økinum millum Dansifrøi og Gundadalshøllina og framvið Gundadalsvegnum til og við Bridgehúsið.

Uppihaldstorg og spælipláss

Yvirskipað verður torgið skipað sum eitt uppihaldstorg við spæliplássi til allar aldursbólkar umframt parkering, vegir og gøtur. 

Tá landsdystir eru, verður torgið umskipað, so tað kann lúka øll krøv, sum UEFA setir.

Barakkirnar framvið Gundadalsvegnum, sum eru fýra samanbygdir bygningar, skulu takast niður. 

Kommunan eigur tveir teirra og skal yvirtaka hinar báðar, sum ávikavist FC Hoyvík og Brigdefeløgini eiga.

30 mió. kr.

Torgið er mett at kosta 30 mió. krónur. Tórshavnar kommuna rindar 65 prosent og Fótbóltsambandið 35 prosent.

Arbeiðið byrjar í 2021 og skal vera liðugt í 2023.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592