- Tíðindi, mentan og ítróttur
Danskir stovnar kostaðu 1,4 mia. kr. í fjør
Danskir stovnar kostaðu 1,4 mia. kr. í fjør
Tá heildarveitingin er íroknað, læt danski ríkiskassin góðar fimm milliardir kr. til grønlendska samfelagið í fjør
Løgreglan er eisini danskt málsøki í Grønlandi
21.12.2020 - 15:03
Heildarveitingin til Grønlands er 3,9 milliardir krónur, men haraftrat fíggjar ríkiskassin nógvar danskar stovnar í Grønlandi.
Tøl frá grønlendsku hagstovuni, sum Sermitsiaq endurgevur, vísa, at í fjør kostaðu donsku stovnarnir slakar 1,4 milliardir krónur at reka. Raksturin dýrkaði umleið 14 prosent frá 2018 til 2019.
Lønarútreiðslurnar hækkaðu meira enn 80 milliónir krónur, upp í 585 milliónir í fjør.
Løgreglan, rættarverkið og aðrir stovnar í Grønlandi kostaðu tilsamans 874 milliónir kr. í fjør.
Arktisk kommando, Sirius-patrúljan og tilbúgvingarstýrið kostaðu 261 milliónir kr. í 2019, vísa tølini hjá grønlendsku hagstovuni.
Er kopiera
Nýggjastu sendingar í ÚV
Nýggjastu sendingar í SV
