Bárður fer heimaftur til Víking

18.01.2021 - 12:02
ÍtrótturFótbóltur
Bárður fer heimaftur til Víking
Bárður Jógvansson Hansen skal í ár aftur spæla við barndómsfelagnum Víkingi
Mynd: Víkingur.fo á Facebook  
 

Royndi høgribakkurin, Bárður Jógvansson Hansen, skal aftur spæla í ljósabláa búnanum hjá Víkingi. Tað boðar Víkingur frá á sínari facebooksíðu.

Bárður Jógvansson Hansen, sum er 28 ára gamal og úr Norðragøtu, hevur seinastu fýra árini spælt við NSÍ. Men nú hevur hann so valt at flyta heimaftur, og hevur gjørt eitt ára sáttmála við Víking.

255 dystir í bestu deildini

Sambært Faroesoccer.com hevur høgri bakkurin umboðað GÍ, Víking og NSÍ. Hann hevur spælt 255 dystir í bestu deildini, og hann hevur skotið 18 mál.

Bárður Jógvansson Hansen er eisini skrásettur fyri seks landsdystir fyri Føroyar. Millum annað spældi hann við í minniliga 2-1 sigrinum á Grikkalandi á Tórsvølli í 2015.

Í Víkingi fegnast tey um, at Bárður Jógvansson Hansen hevur valt at koma heimaftur til Víking, og tey gleða seg at síggja hann í ljósabláu blusuni.

NSÍ mist seks leikarar

Bárður Jógvansson Hansen er sætti spælarin, sum er farin úr NSÍ síðani í fjør. Hinir eru:

Rógvi Egilistoft, sum er vorðin borgarstjóri á Eiði. 
Jesper Christiansen, ið er farin av aftur landinum. 
Steffan Løkin, sum er fluttur út á Toftir at spæla við B68. 
Salmundur Bech, ið er farin aftur til FC Suðuroy
Jann Benjaminsen, sum hevur tikið av møguleikanum at spæla uttanlands, og hevur fingið sáttmála við norska triðju deilara felagið Hødd

Tveir leikarar eru hinvegin komnir til NSÍ. Talan er um HB-miðvallaran Trónd Jensen, og so er høgri bakkurin Sjúrður Pauli Nielsen komin aftur til barndómsfelagið eftir at hava spælt við ÍF í fjør.

 
Nýggjastu sendingar í ÚV
Mánadag 8. mars
Nón 8. mars 2021
121302
Mánadag 8. mars
Norðurljóð 8.mars 2021
121258
Mánadag 8. mars
Áðrenn Elvis
121298
Nýggjastu sendingar í SV
Týsdag 9. mars
Toke M. Carlsen, Fróðskaparsetrið
118848
Sunnudag 7. mars
Andakt við Margareth Djurhuus
121249
Sunnudag 7. mars
Guðstænasta í Vesturkirkjuni
121251
Leygardag 6. mars
FMA 2021
121234