Uppskot um at velja nevndirnar av nýggjum

21.01.2021 - 08:46
AktueltPolitikkur
Uppskot um at velja nevndirnar av nýggjum
Neyðugt er at velja allar nevndirnar, um Eyðgunn Samuelsen skal fáa sæti í Uttanlandsnevndini og Landsstýrismálanevndini
Tingið fer í dag at atkvøða um eitt uppskot um at velja allar nevndirnar av nýggjum
 

Løgtingið skal í dag atkvøða um eitt uppskot um at velja nevndirnar hjá tinginum av nýggjum.

Skal Eyðgunn Samuelsen, sum er komin í tingið fyri Heðin Mortensen, taka við sessum hansara í Uttanlandsnevndini og Landsstýrismálanevndini, skulu allar nevndir veljast av nýggjum.

Tí í teimum báðum nevndunum, Uttanlandsnevndini og Landsstýrismálanevndini, ber ikki til at skifta nevndarlimir í ótíð.

Serligar nevndir

Tær báðar nevndirnar eru sambært tingskipanini nevndir, har varafólk, sum tekur sæti á tingi fyri tingfólk í farloyvi, ikki samstundis kann taka við nevndarsessunum.

Tí løgtingið skal beinleiðis velja nevndarlimirnar í Uttanlandsnevndini og Landsstýrismálanevndini. Og tað kann bara gerast, um allar løgtingsnevndirnar verða valdar av nýggjum. 

Um tað skal gerast, skal løgtingið atkvøða um seinnapartin. 

Tingfundurin í dag er kl.13.30.
 

 
Nýggjastu sendingar í ÚV
Mikudag 3. mars
Breddin
121099
Mikudag 3. mars
Lesikrókurin: Ein annar er gull
121095
Mikudag 3. mars
Nón 3. mars 2021
121093
Mikudag 3. mars
Góðan morgun Føroyar
121076
Nýggjastu sendingar í SV
Mikudag 3. mars
Úr savninum: Matur og matgerð
121098
Mánadag 1. mars
3-2
121003
Sunnudag 28. februar
TeenStreet lovsangur (5:5)
120907
Sunnudag 28. februar
Andakt við Margareth Djurhuus
120906