170 skúlanæmingar fáa sertilboð

Nú eru níggju sertilboð til skúlanæmingar við serligum avbjóðingum.

170 næmingar fáa hesi sertilboð. Aftrat hesum tilboðum er serligt skipað tilboð í Havn.

Tað eitur Lopfjølin og er ætlað børnum, sum hava ilt við at fara í skúla. 

12 børn eru í Lopfjølini. Í skúlanum á Trøðni eru 55 næmingar.

Kunnu velja sernámsfrøði

Jenis av Rana, landsstýrismaður, hevur svarað spurningum frá Jóhannisi Joensen, løgtingsmanni, um lærarar og næmingar við serligum avbjóðingum. 

Landsstýrismaðurin sigur, at fólk kunnu velja sernámsfrøði, tá ið tey læra til lærara. Men øll fáa eisini innlit í sernám.

Hann fer at seta seg í samband við Fróðskaparsetrið um, hvussu sernámsfrøði verður skipað, bæði sum partur av læraraútbúgvingini og sum eftirútbúgving. 

Læraraútbúgvingin verður eisini endurskoðað, sigur Jenis av Rana.