Arbeiðið byrjar í summar

Øll 31 tingfólkini, sum vóru í tingsalinum, atkvøddu við triðju og endaligu viðgerð í dag fyri uppskotinum hjá Elsebeth Mercedis Gunnleygsdóttir, landsstýriskvinnu, um at byggja nýtt sambýli á Mýrini í Hoyvík.

Heimið er til fólk við menningartarni skal kosta í mesta lagi 48 milliónir krónur, og pláss verður fyri 18 fólkum.

Jørðarbeiðið er boðið út, og tilboðini koma inn fríggjadagin. Arbeitt verður samstundis við at gera høvuðsprojektið liðugt.

Elsebeth Mercedis Gunnleygsdóttir upplýsti í tinginum í dag, at arbeiðið at byggja sambýlið verður boðið út í mars, og tilboðini verða latin upp í apríl.

Eftir ætlan byrjar arbeiðið í juni, og gongst sum ætlað, verður klárt at flyta inn í september/oktober næsta ár.