Námsfrøðilig netverk farin til verka

Øll fimm netverkini í námsfrøðiligu menningarverkætlanini hjá nøkrum kommunum eru nú virkin.

Endamálið við verkætlanini er at gera námsfrøðiliga arbeiðið í dagstovnunum betri.

Fýra kommunur og níggju frítíðarskúlar og dagstovnar eru við.

Kommunurnar eru Nes kommuna, Sunda kommuna, Eiðis kommuna og Vága kommuna. 

Skulu gera arbeiðið hjá námsfrøðingum betri

Stovnarnir eru Korndalsgarður á Eiði, við Kráir í Hvalvík, Barnagarðurin á Svangaskarði á Toftum, Sóljugarður í Sandavági, Miðgarður í Miðvági, Dagstovnurin á Flatinum á Oyrabakka, Smílikullan í Miðvági, Stórheygg í Hósvík og frítíðarskúlin í Nes kommunu. 

Netverkini hava orðað nakrar avbjóðingar, sum tá tær eru loystar, skulu gera arbeiðið hjá námsfrøðingum betri.

Samstarv við foreldur, málmenning, tá børn fara úr vøggustovu í barnagarð, tvístøður hjá børnum og professionelt samstarv við foreldur, sum námsfrøðingar kenna persónliga, eru avbjóðingar, sum netverkini hava arbeitt við. 

Í hvørjum netverki eru tveir námsfrøðingar og ein leiðari í hvørjum stovni, sum er við í netverkinum.

Í hvørjum netverki eru tríggir stovnar.

Netverksleiðarar eru Jóngerð Petersen, Jóhanna Maria Olsen, Jóhannes Miðskarð, sum øll eru cand.ped.