Fríði Reinert á Kamarinum

Fríði Reinert á Kamarinum er 18 ára gamal, býr í Tórshavn og gongur á Glasi. Eins og flest onnur ung, dámar honum væl at fylgjast við vinfólki og at ganga í býnum í vikuskiftunum, men hann leggur eisini sera nógv í móta og mótaheimin. Eitt nú hevur hann verið modell fyri millum annað eitt av størstu mótabløðunum í Ekvador.

Hvussu vildi tú lýst tín klædnastíl við 3 orðum?

Nýmótans, einkultur og samstundis casual

Fríði Reinert Á Kamarinum 3

Hvar finnur tú inspiratión til tín klædnastíl?

Eg veit ikki heilt, hvar eg finni inspiratión til mín stíl. Eg keypi tað sum mær dámar og sum eg haldi riggar væl, og so fái eg sjálvandi av og á íblástur frá sosialu miðlunum.

Hvat eru trý ting, ið tú altíð hevur í lummunum/taskuni?

Trý ting sum eg altíð havi í lummunum eru mín snildfon, snús og tyggigummi.

Fríði Reinert Á Kamarinum 2

Hvar dámar tær best at keypa klæðir?

Mær dámar best at keypa klæðir uttanlanda, tí eg haldi úrvalið verða størri og klæðini verða bíligari.

Hvat er títt yndis plagg?

Eg haldi ikki at eg sum so havi nakað yndis plagg. Tað skiftir so ofta, so eg haldi at tey klæðini eg havi á eru míni yndis tann dagin.

Hvat eru tíni ráð til onnur, ið ynskja at finna sín egna klædnastíl?

Mítt ráð er, at man ikki skal leggja so nógv í hvat onnur halda, og at um har eru onkur klæðir man dámar, skal man bara verða í teimum uttan at hugsa óv nógv um tað.

Eg haldi tó, at ung í dag eru blivin góð til at ganga í teimum klæðunum tey hava hug til og tað verður meira og meira vanligt at síggja fólk, ið hava sín egna stíl. 

Fríði Reinert Á Kamarinum 4