Færri í Landsbankanum, fleiri í Bústøðum

Kommunufelagið heldur tað vera løgið, at stýrið í Bústøðum verður brúkt sum grundgeving at minka landsbankanevndina.

Fíggjarmálaráðið brúkar millum annað stýrið í Bústøðum sum grundgeving fyri at minka landsbankanevndina úr sjey limum niður í tríggjar.

Í stýrinum hjá Bústøðum eru trý fólk. Og tað er ivaleyst, skilst á uppskotinum hjá Fíggjarmálaráðnum.

Men so er tað, at Kommunufelagið vísir á, at í einum øðrum lógaruppskoti frá landsstýrinum, frá Almannamálaráðnum, verður skotið upp at hava tveir limir afturat í stýrinum hjá Húsalánsgrunninum, hjá Bústøðum. 

Í staðin fyri tríggjar limir skal stýrið hava fimm limir.