900 mió. kr. til burðardygga fiskiveiðu

18.03.2021 - 11:16
AktueltPolitikkur
900 mió. kr. til burðardygga fiskiveiðu
Danmark fær 917 milliónir kr úr evropeiskum grunni í trý ár
Rasmus Prehn, fiskimálaráðharri, fegnast um semjuna í fólkatinginum. Hann sigur, at peningurin fer at beina Danmark á grønari kós
 

Allir flokkar í fólkatinginum eru samdir um, hvussu 917 milliónir úr evropeiska hav-, fiskarí- og aligrunninum, EHFAF, fyri árini 2021 - 2023, skulu brúkast.

Tað upplýsir Matvørumálaráðið í einum tíðindaskrivi í dag, skrivar Ritzau.

Næstan helmingurin av peninginum - umleið 437 milliónir krónur - skulu brúkast til grøn átøk og til at gera fiskivinnuna burðardyggari.

Fegin um semjuna

- Eg eri fegin um breiðu semjuna í Fólkatinginum, sum beinir okkum á eina grønari kós, sigur fiskimálaráðharrin, Rasmus Prehn.

Játtaði peningurin kann vera við til at menna grøna tøkni, nýggjan veiðihátt og nýggjan fiskireiðskap, so sleppast kann undan ov nógvari hjáveiðu.

Avtalan skal eisini tryggja átøk, sum hava til endamáls at fáa hendur á fiskireiðskapi, sum er mistur ella "gloymdur" í sjónum.

Peningur verður eisini settur av til at stuðla og menna fiskiskapi nær landi, og harumframt skal peningur eisini setast av til sølufremjani átøk.

Ikki býttir rætt

Tað eru tó ikki øll, sum fegnast um ætlanina. Danmarks Fiskeriforening heldur ikki, at pengarnir, verða býttir rætt.

- Vit høvdu verið fegin, um peningurin, sum verður settur av til grønu umstillingina, eisini kemur skipunum, sum nú fiska, til góðar, sigur Svend-Erik Andersen, formaður í felagnum.

Hann vísir á, at næstan 200 milliónir verða brúktar til eitt nú tekniska hjálp.

Harafturat fáa kommunurnar í Danmark 180 milliónir, ið skulu brúkast til hjálpa upp á vatnviðurskifti, so bøtast kann um leiðir og gýtingarpláss hjá fiskinum.

Er kopiera
Nýggjastu sendingar í ÚV
Mánadag 14. juni
Nón 14. juni 2021
125435
Mánadag 14. juni
Eingin tekur KÍ
125431
Mánadag 14. juni
Ítróttafólk kunnu eisini fáa slysni
125417
Mánadag 14. juni
Góðan morgun Føroyar 14.06.2021
125403
Mánadag 14. juni
Morgunlestur mánadagur 14. juni 2021
125336
Nýggjastu sendingar í SV
Sunnudag 13. juni
Harmonikutreff í Vesturkirkjuni.
125390
Sunnudag 13. juni
Andakt við Jóhannesi Miðskarð
125389
Leygardag 12. juni
Video: 5mf dreingir, Fjarðastevna 2021
125373
Leygardag 12. juni
Video: 5mf gentur, Fjarðastevna 2021
125369
Leygardag 12. juni
Video: 10mf, Fjarðastevna 2021
125370