Evropearar minni álit á AstraZeneca

bannari
22.03.2021 - 13:34
AktueltHeilsa
Evropearar minni álit á AstraZeneca
8.000 fólk í sjey ymiskum londum í Evropa hava svarað í nýggjari meiningakanning
Koppingarevnið frá AstraZeneca er komið í ringt orð, eftir at fólk eru deyð, ella hava fingið blóðtøpp eftir at vera koppsett
 

Fólk í øllum Evropa hava minni álit á koppingarevninum hjá AstraZeneca eftir tíðindini í seinastuni um, at tað kann elva til blóðtøpp, og í ringasta føri deyða.

Tað vísir ein meiningakanning hjá bretsku greiningarfyritøkuni, YouGov, skrivar tíðindastovan, AFP.

Góvust fyribils

Longu í februar - áðrenn tíðindini um blóðtøppar bórust - høvdu fólk í Evropa minni álit á koppingarevninum hjá AstraZeneca enn hjá Pfizer/BioNTech og Moderna, vísir kanningin.

Síðani tá er illviljin móti AstraZeneca vaksin enn meira. 8.000 fólk í sjey ymiskum londum í Evropa hava svarað meiningakanningini, sum varð gjørd frá 12. til 18. mars.

Danska heilivágsstýrið segði 11. mars, at heilsumyndugleikarnir í Danmark góvust at brúka koppingarevnið hjá AstraZeneca fyribils til hósdagin 25. mars.

Kunnu ikki útihýsa blóðtøppum

Júst tann avgerðin elvdi til, at 13 onnur evropeisk lond fyribils eisini gjørdu av ikki at brúka koppingarevnið hjá heilivágsfyritøkuni.

Fleiri av londunum kunngjørdu kortini fríggjadagin, at tey tóku koppsetingina uppaftur, eftir at evropeiski heilivágsstovnurin, EMA, segði seg meta, at koppsetingin var bæði trygg og verjir væl.

Evropeiski heilivágsstovnurin sigur seg kortini ikki kunna útihýsa, at ein av teimum sjáldsomu fylgisjúkunum kann vera blóðtøppur í heilanum.

Er kopiera
Nýggjastu sendingar í ÚV
Leygardag 17. apríl
Frá fyrsta Smirli til í dag - 11. sending
122923
Leygardag 17. apríl
TEMAPLÁTAN: New Jersey, Bon Jovi, 1988
122961
Leygardag 17. apríl
Hetta heilaga Evangeliið skrivar
122959
Leygardag 17. apríl
Brunsj við Niels Petur Nolsøe (NePtuN)
122958
Leygardag 17. apríl
Akkerini vóru bjargingin
122792
Nýggjastu sendingar í SV
Leygardag 17. apríl
Hondbóltur: VÍF - H71
122963
Hósdag 15. apríl
Tóki
122879
Mikudag 14. apríl
Hondbóltur: H71 - VÍF
122834
Mikudag 14. apríl
Hondbóltur: Neistin - STIF, 1. FM-finalan
122833
Týsdag 13. apríl
Katrin Danielsen, Ílegusavnið
118857