Farmaskip sleit í Kollafirði

Farmaskipið Hvítanes, sum liggur í Kollafirði, sleit nakað fyri klokkan seks í morgun.

Men tað eydnaðist manningini og Tórshavnar sløkiliði at fáa bundið skipið aftur.

Politiið fekk eisini eina fráboðan um vindskaða í nátt.

Oljan á vegnum

Um fimm-tíðina seinnapartin í gjár var liðugt at reinsa vegin úr Leirvík niðan á Gøtueiði.

Olja lak úr einum tangabili á vegin fyrrapartin í gjár.

Vegurin gjørdist tí sera hálur, men einki óhapp stóðst av hálkuni, sigur politiið. 

Í Havn var nakað av fólki í býnum í nátt. 

Eingin fráboðan kom um harðskap, men nøkur vórðu skrivað fyri brot á skilhaldsreglurnar, sum politiviðtøkan eitur nú.