Haraldssund fingið umhvørvisgóðkenning

Ætlaða útfyllingin til vinnuøki í Haraldssundi, skal hava umhvørvisgóðkenning. Ta metingina hevur Umhvørvisstovan gjørt, tí plastikk frá spreingileidningum hevur ávirkan á umvhørvi. Kunoyar kommuna søkti beinanvegin, og nú hevur kommunan fingið umhvørvissgóðkenningina.  

Í umhvørvisgóðkenningini setur Umhvørvisstovan treytir um, hvussu arbeiðið skal fara fram, serliga um mannagongdir, sum skulu fyribyrgja, at spreingileidningar enda úti í náttúruni. 

Kunoyar kommuna ætlar at gera eina útfylling á uml. 1.350 m2. til vinnuøki. Til hetta skulu uml. 10.000 m3 av gróti brúkast. Grótið fæst til vega úr tunlunum norður um fjall. Fylt verður út norður úr økinum har verandi bátahylur er, einar 45 m, og upp til 30 m út frá verandi sjóvarmála, út á sjey metra dýpi.