Sendiharri sleppur ikki inn á sendistovu sína

Sambært Kyaw Zwar Minn, sendiharra, hava tvey av starvsfólkunum á sendistovuni og umboð fyri hernaðarjuntuna tikið ræðið á bygninginum.

- Hetta er sum eitt kvett mitt í London, segði sendiharrin við Reuters í gjárkvøldið.

Hernaðarjuntan gav Kyaw Zwar Minn boð um at koma heim til Myanmar eftir at hann í síðsta mánaði alment hevði sagt, at hann stuðlaði leiðaranum í Myanmar, Aung San Sui Kyi.

Sui Kyi hevur verið í húsavarðhaldi síðani hernaðarkvettið 1. februar.

Kyaw Zwar Minn aktaði ikki boðini frá hernaðarjuntuni um at kom heimaftur.

Í gjárkvøldið savnaðust fleiri fólk uttanfyri sendinstovuna hjá Myanmar í London fyri at stuðla sendiharranum.

Kyaw Zwar Minn varð eisini sæddur uttanfyri sendistovubygningin.