Nógvir sóltímar í 2020

Í fjør skein sólin 1.092 tímar í Havn. Tað eru stívliga hálvthundrað fleiri tímar enn í 2019, tá sóltímarnir vóru 1.040.

Bara eitt ár í hesari øldini hevur sólin skinið í fleiri tímar enn í fjør. Tað var í 2009, tá sóltímarnir í Havn vóru 1.139. Tølini eru á heimasíðuni hjá Hagstovuni.

Regnaði mest í 2011

Avfallið í Havn í fjør var 1.288 millimetrar. Tað var 1.314 millimetrar í 2019. Nógv mest avfall í hesari øldini var í 2011. Tá var avfallið í Havn 2.259 millimetrar.

Í fjør var frost í 33 dagar og í 39 dagar í 2019. Mesta frostið í hesari øldini var í 2010, tá frysti 67 dagar í Havn.   

Miðalhitin í Havn í fjør var 7,2 stig. Mesti hitin var 16,4 stig, tann minsti minus 3,6 stig. Mesti hiti í hesari øldini var í 2004, tá 20 stig vóru máld. Kaldast var í 2001, tá vóru minus 8,8 stig.