Hondbóltslandsliðið tikið út

Venjararnir hjá A-landsliðnum hjá monnum, Sonni Larsen og Dia Midjord, hava úttikið 17 leikarar til dystirnar móti Russlandi og Kekkia, sum verða 28. og 30. apríl og 2. mai, skrivar hondbóltssambandið.

Tvær broytingar eru í mun til hópin til seinasta dystarumfar. Pætur Thomsen úr H71 og Pætur Mikkjalsson úr SUS Nyborg avloysa Helga Hildarson Hoydal og Rógva Dal Christiansen úr Fram.

Føroyar skal møta Russlandi á útivølli í Moskva mikudag, Kekkia á heimavølli fríggjadag og Russlandi á heimavølli sunnudag, so eins og seinasta dystarumfar er talan um tætta leikskrá. Heimadystirnir verða í Høllini á Hálsi.

Sonni Larsen sigur seg fegnast um, at kappingin um plássini er hørð, og leggur afturat, at óstøðugu kappingarnar í Íslandi og Noreg, har fleiri føroyskir leikarar spæla, hava ávirkan á, hvussu liðið er sett saman. 

Føroyski hópurin:

Nicholas Satchwell, KA Akureyri
Tórður Skorheim Guttesen, Kyndil
Rói Berg Hansen, HØJ
Sjúrður Olsen, VÍF
Brandur Halgirson, Ajax København
Jónas Gunnarson Djurhuus, Viking Stavanger
Filip Jojic, VÍF
Elias Ellefsen á Skipagøtu, IK Sävehof
Kjartan Johansen, Viking Stavanger
Peter Krogh, H71
Vilhelm Poulsen, Fram
Allan Norðberg, KA Akureyri
Hákun West av Teigum, Skanderborg Håndbold
Pætur Mikkjalson, SUS Nyborg
Rókur Akralíð, HEI Skæring
Teis Horn Rasmussen, TM Tønder
Pætur Thomsen, H71