Nýggja málið klárt til KÍ ímóti NSÍ

Nýggja málið klárt til KÍ ímóti NSÍ
Nýtt mál er sett upp við Djúpumýru, og sostatt er klárt til útsetta dystin millum KÍ og NSÍ í 1. umfari í steypakappingini
Nú er klárt hjá Jákupi B. Andreasen og liðfeløgunum at taka imóti NSÍ
 
20.04.2021 - 15:35

Fótbóltsmálið við tí nógv umtalaðu buklaðu stongini er skift út í fyrrapartin, og dysturin í 1. umfari í kappingini um Løgmanssteypið millum KÍ og NSÍ kann sostatt spælast.

Oddaliðið í landskappingini, KÍ, hevur fult stigatal, og trý av teimum stigunum vórðu vunnin í sigri á NSÍ í 2. umfari. Tí meta flestu viðmerkjarar, at klaksvíkingar eru favorittar við Djúpumýru í kvøld.

Lutakast til steypakappingina var í ítróttarsendingini, 3-2, í gjárkvøldið, og har gjørdist greitt, at vinnarin av dystinum í kvøld skal hitta 07 Vestur á heimavølli í fjórðingsfinalunum.

Í hinum trimum fjórðingsfinalunum spæla B71 og HB, EB/Streymur og B36 og ÍF og Víkingur.

Dysturin við Djúpumýru í kvøld byrjar klokkan 19.00, og Kringvarpið sigur frá dystinum í útvarpinum.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858