Ikki loyvt at koyra við píkum

Sambært kunngerð nr. 59 frá 6. mai 2021, kunnu píkadekk brúkast í Føroyum frá 16. oktober til 14. mai. Tað er galdandi fyri persónbilar ella akfør upp til 3500 kilo.

Øll dekkini skulu vera av somu typu. Tað vil siga: fýra píkadekk ella fýra vetrardekk merkt M+S, sum stendur fyri Mud and Snow. Tað er einki undantak, boðar løgreglan frá.

Landsstýrismaðurin: Tíðarskeiðið má leingjast

Upprunaliga var bert loyvt at brúka píkadekk til 1. mai. Eftir gomlu kunngerðini, sum var frá 2013, stóð, at ikki er loyvt at nýta píkadekk frá 1. mai til 15. oktober.

Í kjakinum um píkadekk verður vanliga víst á, at píkadekk slíta vegirnar munandi meira enn onnur dekk, og tí er neyðugt at avmarka nýstluna av teimum. Men tað argumentið má víkja fyri trygdini, segði Jørgen Niclasen, landsstýrismaður í samferðslumálum í farnu viku.

Landsstýrismaðurin helt tað vera neyðugt at leingja tíðarskeiðið, tá loyvt er at koyra við píkadekkum, so at tað eisini umfatar tvær vikur inn í mai, tí tað enn kann vera kalt í veðrinum hesa tíðina.