Naftali Bennet nýggjur forsætisráðharri í Ísrael

Nýggj stjórn er skipað í Ísrael, og nýggjur forsætisráðharri er Naftali Bennett. Tað gjørdist greitt í gjárkvøldið, tá ið 60 limir í Knesset atkvøddu fyri nýggju stjórnini. 59 atkvøddu ímóti.

Átta flokkar manna nýggju stjórnina. Talan er bæði um høgra- og vinstraflokkar. Eygleiðarar siga, at flokkarnir eru ikki samdir um so nógv, men teir eru tó samdir um at reka Benjamin Netanyahu frá valdinum.

Benjamin Netanyahu hevur verið forsætisráðharri í tilsamans 15 ár, og er tann forsætisráðharrin, sum hevur sitið longst við valdið í Ísrael.

Avtalað er, at Naftali Bennett verður forsætisráðharri næstu tvey árini, og eftir tað verður Yair Lapid forsætisráðharri í tvey ár.