Xi Ping fer at hitta Trump

Kinesiski forsetin, Xi Jinping, fer at hitta amerikanska forsetan, Donald Trump, tá hann í vikuni fer til USA.

Tað váttar kinesiska stjórnin í fráboðan í dag.

Xi verður í USA frá mikudagin til fríggjadagin, tá umboð úr øllum heiminum savnast til ST High-Level Week í ST-høvuðssætinum í New York.

Sambært CNN, fer hann at hitta Trump í Washington hósdagin og fríggjadagin í hesi vikuni.

Fundurin verður, eftir at ovastu embætisfólk úr báðum londum um vikuskiftið umrøddu møguleikarnar fyri nýggjari ávaringarskipan um vitlíki, og umrøddu handilsviðurskifti í sambandi við fyrireikingar til samrøður í New York.

Tollur, vitlíki og spenta støðan í heiminum standa væntandi ovarlaga á skránni, tá leiðararnir báðir setast við samráðingarborðið.