Kappróðurin á sundalagsstevnuni avlýstur

Kappróðurin á sundalagsstevnuni avlýstur
Eingin kappróður verður á sundalagsstevnuni um vikuskiftið. Orsøkin er, at tvíkiljurnar hjá Bakkafrosti, sum vanliga halda startinum, ikki eru tøkar
Róð varð á Skála seinasta leygardag, men leygardagin verður ikki farið í bátarnar
 
16.06.2021 - 21:20

Kappróðurin, sum skuldi verða á sundalagsstevnuni um vikuskiftið, er avlýstur.

Tað skrivar Kollafjarðar ítróttarfelag á facebook í kvøld.

Orsøkin er, at tvíkiljurnar hjá Bakkafrosti, sum vanliga halda startinum, ikki eru tøkar leygardagin.

KÍF skrivar, at arbeitt hevur verið við øðrum loysnum síðan sunnukvøldið, men stutta skotbráið og nógvi trafikkurin á fjørðinum ger, at tað ikki hevur borið til at roynt aðrar loysnir í verki.

 - Vit í kappróðrarnevndini hava verið á fundi við RFS í kvøld og tosað um íkomnu støðuna. Øll vóru samd um, at tað, at royna eina nýggja og óroynda loysn, sum møguliga ikki riggar, ikki er rætti vegurin at fara, skrivar KÍF á facebook. 

 - Vit hugsa fyrst og fremst um rógvaran og at geva teimum bestu uppliving, sum til ber, á róðrardegnum. Vit eru hørm um støðuna, men vóna at øll skilja, at hetta er frægasta avgerð, skrivar KÍF.

Róðrarsamband Føroya arbeiðir við at flyta róðurin, og kunnað verður um tað seinni, verður lagt afturat á facebook-vanganum hjá Kollafjarðar ítróttarfelag.

 

Er kopiera
Nýggjastu sendingar í ÚV
Sunnudag 11. mai
Bolero
191709
Sunnudag 11. mai
Guðstænasta í Haldórsvíkar kirkju
191708
Sunnudag 11. mai
Kallið: "Eg eri herprestur".
191424
Leygardag 10. mai
Jambalaja - 100525
191703
Leygardag 10. mai
Upp á tá - 090525
191699
Nýggjastu sendingar í SV
Mánadag 12. mai
Anna FD 564 - teknmálstulkað
191741
Sunnudag 11. mai
Møti úr Stranda missiónshúsi
191725
Sunnudag 11. mai
Andakt
191720
Sunnudag 11. mai
Undansending: Føroyar - Ukraina
191740
Leygardag 10. mai
Dagur og vika - teknmálstulkað
191687

Meira um sama evni

Kappróður