Jóan Símun fyrsti føroyingur í belgiskum fótbólti

18.06.2021 - 22:00
ÍtrótturFótbóltur
Jóan Símun fyrsti føroyingur í belgiskum fótbólti
Waasland-Beveren eitur nýggja felagið hjá landsliðsáleyparanum, Jóan Símun Edmundsson. Felagið er júst flutt niður í næstbestu belgisku deildina
 

Føroyar hava fingið sítt fyrsta umboð í belgiskum fótbólti.

Tað er greitt, nú liðið Waasland-Beveren, sum spælir í næstbestu deildini, júst hevur kunngjørt Jóan Símun Edmundsson sum nýggjan leikara í felagnum. 

Jóan Símun Edmundsson hevur seinastu trý árini spælt við týska felagnum Arminia Bielefeld.

Jóan Símun Edmundsson var við til at tryggja felagnum uppflyting í Bundesliguna, og syrgdi eisini fyri, at Arminia Bielefeld vann sín fyrsta dyst í Bundesliguni í 11 ár, tá hann skoraði móti Køln. 

Men eftir at hann skrivaði føroyska fótbóltssøgu sum tann fyrsti føroyingurin í Bundesliguni, og hartil skoraði, so hvarv Jóan Símun Edmundsson av liðnum hjá Bilefeld, og nú er hann so fluttur víðari. 

 

Umráðandi at kenna seg ynsktan

Fyri Jóan Símun Edmundsson var tað umráðandi at koma til eitt felag, ið veruliga vildu hava seg í felagnum. 

"Waasland-Beveren er eitt sera professionelt felag, sum hevur spælt fleiri ár í bestu belgisku deildini, men tíverri endaði við at flyta niður, tá liðið tapti “play off”-dystirnar um at vera verandi í bestu deildini."

Felagið er tó á ongan hátt fallið í fátt av niðurflytingini, sigur Jóan Símun Edmundsson. 

"Felagið hevur høg mál, og er í holt við at gera umstøðurnar kring alt felagið betri. Men fyri meg var tað fyrst og fremst umráðandi at koma til eitt felag, har eg føldi meg ynsktan," ásannar føroyski landsliðsáleyparin. 

"Waasland-Beveren hevur víst áhuga í mær longi, og eg havi havt fleiri góð prát við umboð fyri felagið. Ætlanirnar við bæði felagnum, og við mær persónliga, tiltalaðu meg. Málsetningurin er at spæla við í toppinum og vónandi flyta upp aftur í bestu deildina," sigur Jóan Símun Edmundsson, sum gleðir seg til nýggju avbjóðingina. 

 

Er kopiera

Sí eisini

11.09.18
85201
Nýggjastu sendingar í ÚV
Týsdag 3. august
Málbroytingar í føroyskum
126167
Týsdag 3. august
Morgunlestur týsdagur 3. august 2021
126407
Mánadag 2. august
Morgunlestur mánadagur 02. august 2021
126406
Sunnudag 1. august
Guðstænasta úr Vesturkirkjuni
127076
Nýggjastu sendingar í SV
Hósdag 29. juli
Tingið verður sett
127016
Hósdag 29. juli
Guðstænasta úr Havnar kirkju.
127005
Mikudag 28. juli
Á ólavsøku
126992
Mikudag 28. juli
Video: 5mf gentur, ólavsøka 2021
126991
Mikudag 28. juli
Video: 10mf, ólavsøka 2021
126990