- Tíðindi, mentan og ítróttur
Partarnir fara aftur at samráðast í morgin
Tað hevur staðið í botni í samráðingunum millum Pedagogfelagið og Kommunala arbeiðsgevarafundi.
Men nú røkist fyri, at glið kanska kemur á samráðingarnar.
Terje Sigurðsson, semingsmaður, hevur kallað partarnar saman aftur í morginári klokkan 10.
"Semingsstovnurin hevur havt fund við partarnar hvør sær, tað verður seg Pedagogfelagið, Fíggjarmálaráðið og Kommunala arbeiðsgevarafelagið. Allir partar kenna ábyrgd fyri at finna eina loysn, og tí hava teir játtað at hittast,," sigur Terje Sigurðsson.
Tað er tó ikki nakað ítøkiligt, sum ger, at partarnir eru kallaðir aftur til samráðingarborðið, og enn hevur eingin partur flutt seg.
Spurdur um, at hetta merkir, at lógaruppskotið hjá landsstýrinum um at lóggeva pedagogar í Almannaverkinum aftur til arbeiðis, verður tikið aftur, svarar Terje Sigurðsson:
"Tað veit eg einki um. Tað havi eg onga viðmerking til."
HOYR SAMRØÐUNA VIÐ TERJA SIGURÐSSON, SEMINGSMANN, Í ÚTVARPSTÍÐINDUNUM
Helgi Abrahamsen, landsstýrismaður í arbeiðsmarknaðarmálum, hevur givið boð um, at viðgerðin av lógaruppskotinum, ið lóggevur pedagogar í Almannaverkinum aftur til arbeiðis, skal bíða, meðan samband er millum partarnar.