Metnógvir tilburðir í Suðurafrika

Meir enn 24.000 nýggir smittutilburðir av koronu vórðu staðfestir í Suðurafrika í gjár.

Hetta er tað mesta, sum hevur verið eftir einum degi í Suðurafrika.

Korona-farsóttin leggur stórt trýst á sjúkrahúsini í landinum, ikki minst í Johannesburg, har tað ikki eru nóg nógvar sengur til tey illa sjúku.

Ein uppgerð hjá Johns Hopkins University sigur, at Suðurafrika hevur staðfest umleið tvær milliónir smittutilburðir og 61.332 andlát, sum hava samband við koronu, síðani farsóttin byrjaði at gera um seg.

Tað búgva umleið 60 milliónir fólk í Suðurafrika. Av hesum eru 3,3 milliónir koppsett.