Atlantsflog steðgar allari flúgving til Skotlands

Atlantsflog byrjaði at flúgva til Edinburgh fyrst í juli, hóast Skotland var sett á reyða lista eftir tann fyrsta túrin.

Jóhanna á Bergi, stjóri í Atlantsflogi sigur, at størsti parturin av Stórabretlandi varð um vikuskifti koyrdur á reyða lista hjá danska uttanríkisráðnum, og hetta hevur gjørt tað munandi torførari at ferðast millum Skotland og Føroyar.

Atlantsflog sigur í boðum til ferðafólk, sum hava bílagt ferðaseðil til Skotlands, at síðsti túrur verður hósdagin 22. juli, og at tey vóna at kunna taka flúgvingina uppaftur í oktober.