Fer at taka trý til fimm ár at endurbyggja týska undirstøðukervið

21.07.2021 - 09:28
AktueltÚtheimurin
Fer at taka trý til fimm ár at endurbyggja týska undirstøðukervið
Skaðarnir av vatnflóðini har vesturi í Týsklandi eru øgiligir, og tað verður væntað, at tað fer at taka millum trý og fimm ár at byggja undirstøðukervið uppaftur
Undirstøðukervið, eitt nú vegir, jarnbreytir, drekkivatn og annað, er hart rakt av vatnflóðini í Týsklandi
Mynd: AP  
 

Tað fer at taka langa tíð at byggja tað upp aftur, sum er farið í vatnflóðini har vesturi í Týsklandi.

Sambært fleiri týskum miðlum roknar týska stjórnin við, at bara skaðarnir á vegir og jarnbreytir fara at kosta 2 milliardir evrur at umvæla - tað er tað sama sum góðar 15 milliardir krónur.

Serfrøðingar siga, at vatnflóð er tað slagið av náttúruvanlukku, sum kostar mest í pengum. Vatnið kemur inn allastaðni og oyðileggur alt, samstundis sum tað dálkar drekkivatnið. Samanborið við til dømis jarðskjálvta, sum verður roknað sum næstdýrasta slagið av náttúruvanlukku, rakar ein vatnflóð eitt nógv størri øki og ávirkar tí eisini fleiri fólk.

Hildið verður, at tað fer at taka millum trý og fimm ár at fáa undirstøðukervið í vestara parti av Týsklandi, sum varð raktur av vatnflóðini, upp aftur á sama støði sum áðrenn flóðina.

Er kopiera
Nýggjastu sendingar í ÚV
Fríggjadag 20. mai
Nón 20. mai 2022
139935
Fríggjadag 20. mai
Vesisex á Gentuvesinum
139930
Fríggjadag 20. mai
Ein granni ger innrás 4:4
139900
Fríggjadag 20. mai
Morgunlestur fríggjadagur 20.mai 2022
139573
Nýggjastu sendingar í SV
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652
Sunnudag 15. mai
Guðstænasta úr Vesturkirkjuni
139650
Leygardag 14. mai
Stóri FM-dagurin
139646