Løgmaður legði upp til broytingar

- Vælferðarskipanirnar vóru ongantíð ætlaðar sum ein koddi at hvíla á. Hinvegin var ætlanin at skapa bestu fortreytir, fyri arbeiðssemi í einum virknum lívi.

M.a. soleiðis at Aksel V. Johannesen, løgmaður, í gjárkvøldið, tá hann helt sína síðstu løgmansrøðu, ið hvussu so er á hesum sinni.

Ein gjøgnumgangandi boðskapur var, at broytingar mugu gerast.

- Fólk eru samd um, at landskassin skal hava yvirskot, og at neyðugar broytingar skulu gerast. Men neyðugu broytingarnar skulu helst raka onkran annan, helt hann fram.

Onkrar broytingar eru gjørdar, men fleiri skulu til
Aksel V. Johannesen førdi m.a. fram, at onkrar broytingar eru gjørdar, men at tær ikki eru nóg mikið.

M.a. vísti hann á, at hann í fjør tók avgerð um, at Landsstýri og miðfyrisitingin skuldu umskipast, soleiðis, at talið av landsstýrisfólkum lækkaði úr 9. niður í 6. 

Tað var eftir tilmæli frá Nýskipanarnevndini, at Landsstýrið og miðfyrisitingin vorðu umskipað við virknaði frá 1. desembur í fjør.

Hóast, at løgmaður ikki nevndi ítøkiligar ætlanir um broytingar, so nevndi hann kortini nøkur dømi, sum kunnu gerast.

Hoyr innslag frá útvarpstíðindunum niðanfyri.