Vindmyllufelag stovnað

Partafelagið, sum skal gera og reka vindmyllurnar í Flatnahaga í Suðurstreymi, er stovnað.

Tað eitur p/f Flatnahagi.

Sambært Skrásetingini stendur Niels Winther Poulsen, advokatur, sum stovnari.

Í nevndini eru Johnni Meinhard Poulsen í Miðvági, fíggjarstjóri í Magn, hann er formaður, Arnfinnur Gudjónsson, Óli Mortensen og Rói Sjúrðarson Kalsø, allir í Havn.

Stjóri er Finn Jakobsen, sum eisini er forstjóri í Magn.

Partapeningurin hjá nýggja felagnum er tvær milliónir krónur.

Endamál hjá felagnum er at gera íløgu í og reka vindmyllulund í Flatnahaga og annað virksemi í hesum sambandi.