Trilvandi Danmark snávaði móti Svøríki

01.08.2021 - 14:59
ÍtrótturHondbóltur
Trilvandi Danmark snávaði móti Svøríki
Danska hondbóltslandsliðið spældi ein ringan dyst í seinasta dystinum í OL-bólkaspælinum móti Svøríki. Danmark endar nummar eitt í bólkinum, hóast tapið
Tað gekk ikki heilt, sum danir høvdu ætlað, tá hondbóltslandsliðið tapti móti Svøríki í síðsta dystinum í bólkaspælinum
Mynd: DR.DK  
 

Jóhan á Plógv Hansen spældi allan dystin, tá Danmark spældi síðsta dystin í innleiðandi bólkaspælinum móti grannunum í Svøríki. 

Føroyski høgri vongurin hevði ein hampiligan góðan dag, men brendi tvey skot frá vonginum.

Men tá hann varð settur at skjóta brotskøst, tí Mikkel Hansen, ið spældi eina sjáldsama ringan dyst, brendi tvey brotskøst móti dugnaliga svenska málverjanum, Andreas Palicka, var Jóhan á Plógv Hansen sera tryggur.

Tríggjar ferðir fekk hann møguleikan frá sjey metrunum, og tríggjar ferðir lá bólturin í málinum. 

Spældu illa

Mikkel Hansen var ikki tann einasti danski leikari, ið spældi ein ringan dyst. 

Yvirhøvur spældu donsku spælararnir uttan orku, og serliga verjan, ið plagar at vera so sterk, stóð illa. 

Og tá málverjarnir Niklas Landin og Kevin Møller heldur ikki bjargaðu nøkrum nevniverdum, so var torført hjá dønum at fylgja við kviku sviunum. 

Mathias Gidsel var einasti spælarin á danska liðnum, ið kundi vera nøgdur við sítt avrik. Gidsel, ið gjørdist danskur toppskorari, helt næstan einsamallur Danmark inn í dystinum. 

Eitt skifti var Svøríki seks mál frammanfyri, ið hevði merkt, at Danmark fór at enda nummar trý í bólkinum. 


Trupult frá veingjunum

Donsku veingirnir høvdu tað trupult móti sterku svensku málverjunum, Andreas Palicka og  Mikael Aggerfors, og brendu nógv. Og har var Jóhan á Plógv Hansen einki undantak. 

Og hvørja ferð Danmark byrjaði at nærkast Svøríki, so settu sviar ferð á og stungu avstað aftur. 

Mads Mensah, ið plagar at roynast Danmark hollur, tá ið tað stendur á, hevði eisini ein truplan dag og brendi nógv. 

 

Ørkymlaður venjari

"Det er nu Mikkel, for ..." rópti ein ørkymlaður  Nikolaj Jacobsen, venjari, tá Mikkel Hansen fór inn móti verjuni, men valdi ikki at skjóta. 

Einki av tí, ið Nikolaj Jacobsen royndi, tóktist rigga og gera tann munin, sum hann gjarna vildi.

Hann royndi at koyra við sjey monnum í álopunum, men tá upplagdir málmøguleikar vórðu brendir, gjørdu sviar skjótt av og skoraðu í tóma danska málið. 

 

Fjórðingsfinalu móti Noregi

Danski landsliðsvenjarin royndi at niðurspæla ringa úrsltið eftir dystin. 

"Vit fingu tað úrslitið, ið vit skulu brúka, fyri at enda nummar eitt í bólkinum. Men vit standa illa í verjuni, og vit spæla uttan orku, so hetta var als ikki nóg gott," staðfesti Nikolaj Jacobsen. 

"Eg eri mest harmur um, at vit ikki spæla við meira orku og mangla tey síðstu prosentini í dag."

Við stríð og strev fekk Danmark kempað seg til eitt 33-30 tap. 

Úrslitið merkir, at Danmark skal spæla móti grannunum úr Noregi í fjórðingsfinaluni. 

"Tað verður ein trupul dystur, tí Noreg er eitt av londunum, ið mann roknar við fær eitt heiðursmerki heim við," staðfesti Nikoalj Jacobsen.

Er kopiera
Nýggjastu sendingar í ÚV
Fríggjadag 24. september
Góðan morgun Føroyar 24.09.2021
129002
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699