Norðoya Sparikassi 10,4 mió. kr. í avlopi fyrra hálvár

Avlopið eftir skatt hjá Norðoya Sparikassa fyrra hálvár 2021 var 10,4 mió. kr. sammett við 6 mió. kr. sama tíðarskeið í 2020.

Verður sæð burtur frá virðisjavnan og niðurskrivingum, hevði sparikassin eitt avlop av vanligum rakstri upp á 10,6 mió. kr. fyrra hálvár samanborið við níggju mió. kr. sama tíðarskeið í fjør

Útlánini hjá sparikassanum vuksu eitt prosent, og innlánini minkaðu 0,6 prosent.

- Gongdin fyrra hálvár hevur sum heild verið í samsvari við metingar Sparikassans, og samanumtikið eru vit nøgd við gongdina, sigur Marner Mortensen, stjóri í Norðoya Sparikassa.