Arbeiðsloysið í juni var 1,2 prosent

Arbeiðsloysið í Føroyum var 1,2 prosent í juni.

Tá vóru 430 fólk arbeiðsleys, ella 350 fulltíðararbeiðsleys. Í juni í fjør var arbeiðsloysið 1,8 prosent.

Arbeiðsloysið er støðugt minkað seinasta árið.

12,3 prosent langtíðararbeiðsleys

Í juni vóru 12,3 prosent av teimum arbeiðsleysu langtíðararbeiðsleys, tað er, at tey høvdu verið arbeiðsleys í meira enn eitt ár.

Í juni í fjør vóru 7,3 prosent langtíðararbeiðsleys.   

Arbeiðsleys eru fólk millum 16 og 66 ár, sum eru skrásett sum arbeiðsleys hjá ALS ella Almannaverkinum.