Arbeiðið boðið út eftir ársskiftið

Arbeiðið at byggja røktarheim til fólk við menningartarni og fjølbreki í Reynstúni á Argjum verður boðið út beint eftir ársskiftið.

Flytast kann inn í heimið síðst í 2023.

Tað sigur Elsebeth Mercedis Gunnleygsdóttir, landsstýriskvinna, í svari til Eyðgunn Samuelsen, løgtingskvinnu.

Eyðgunn Samuelsen, sum landsstýriskvinna í almannamálum í undanfarnu samgongu, legði fram uppskot um verklagslóg um heimið í Reynstúni. Men meiriluti var ikki fyri uppskotinum, so tað datt burtur, sigur Elsebeth Mercedis Gunnleygsdóttir.

Totalrenovera Eirargarð

Hon sigur eisini í svarinum, at í 2023 er ætlanin at endurnýggja út í æsir, totaltrenovera, Eirargarð 14-1. 

Eirargarður 14-2 varð umvældur í fjør.

Og í ár er ætlanin at umvæla og dagføra Eirargarð 16 - 1 og 2.

bústovnurin Eirargarður 16A og 14B, Landsjúkrahúsið, LS