Kvett framt í Guinea

Servandir hermenn í herinum í Guinea tóku eftir øllum at døma valdið í landinum í gjárkvøldið, og koyrdu Alpha Condé, forseta frá.

Tað skrivar Reuters sambært Ritzau.

USA hevur longu fordømt tað, sum hendi í høvuðstaðnum í Guinea, Conakry, í gjár, sigur amerikanska uttanríkisráðið.

Eisini aðalskrivarin í ST, Antonio Guterres, hevur gjørt viðmerkingar til tað, sum fer fram í Guinea.

- Tað er ikki í lagi, at vápn verða nýtt til at taka valdið í einum landi, sigur aðalskrivarin, og hann krevur, at forsetin alt fyri eitt verður latin leysur.

Hernaðarjuntan, sum eftir øllum at døma hevur tikið valdið, sigur, at forsetin, Alpha Condé hevur tað gott.