Stjórnarskifti í Noregi

14.09.2021 - 09:31
AktueltÚtheimurin
Stjórnarskifti í Noregi
Flokkarnir á vinstraveingi fingu 100 sessir á stórtingsvalinum í gjár
Alt bendir á, at Jonas Gahr Støre, formaður í Arbeiðaraflokkinum, verður nýggjur forsætisráðharri í Noregi.
 

Stjórnarskifti verður í Noregi eftir stórtingsvalið í gjár.

Vinstrivongurin fekk 100 tinglimir, og høgrivongurin í stórtinginum fekk 68 tinglimir.

Og tað tykist greitt, at Jonas Gahr Støre, formaður í Arbeiðaraflokkinum, verður nýggjur forsætisráðharri.

Flokkurin Høgri, sum hevur staðið á odda fyri norskum politikki í átta ár, hevði somikið stóra afturgongd, at flokkurin ikki kann halda fram í stjórn.

Og tað ásannaði Erna Solberg, forkvinna í flokkinum, sum nú má leggja frá sær sum forsætisráðharri.

Torførar stjórnarsamráðingar

Floksformenninir hittust í nátt at umrøða støðuna, og eftir fundin boðaði Jonas Gahr Støre frá, at tað er neyðugt at sova eftir úrslitið av valinum.

- Vit verða noydd at leggja grundarlagið undir eina nýggja stjórn, og neyðugt er við samráðingum, um talan skal verða um eina meirilutastjórn, segði Jonas Gahr Støre.

Valserfrøðingar meta, at samráðingarnar, sum Jonas Gahr Støre nú fer undir, vera torførar.

Senterflokkurin kann seta krøv

Senterflokkurin hevur undir valstríðnum sagt, at flokkurin vil hava eina stjórn undir leiðslu av Javnaðarflokkinum, og at Senterflokkurin verður við í stjórnini.

Senterflokkurin hevði stóra framgongd á valinum, og kann tí seta krøv.

Eingin hevur tosað stórvegis um Sosialistiska Vinstraflokkin, men skulu Jonas Gahr Støre og Senterflokkurin fáa meiriluta, verður neyðugt við stuðli frá Sosialistiska Vinstraflokkinum, skrivar NRK.

Er kopiera
Nýggjastu sendingar í ÚV
Sunnudag 26. september
Credo: "Tú ert elskaður".
128944
Leygardag 25. september
Jambalaja 250921
129087
Leygardag 25. september
Nón 24. september 2021
129077
Leygardag 25. september
Morgunlestur leygardagur 25.september 2021
129063
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699