Tríggjar orsøkir til, at Eivind sigldi á Flesjarnar

24.09.2021 - 08:07
AktueltSamfelag
Tríggjar orsøkir til, at Eivind sigldi á Flesjarnar
Danska skaðanevndin hevur kannað tilburðin
Frágreiðing er nú skrivað um tilburðin, tá Eivind sigldi á Flesjarnar 2. august.
Mynd: Bjarni Árting Rubeksen  
 

Trý viðurskifti gjørdu, at línuskipið Eivind sigldi á Flesjarnar 2.august.

Tað sigur danska skaðanevndin, Den Maritime Havarikommission, sum hevur kannað tilburðin.

Hugsavnaði seg ikki um siglingina

Eina orøkin var fjarstøðumetingin hjá skiparanum. Hann helt, at fjarstøðan til vitan á Flesjunum var størri enn hon veruliga var.

Ein onnur orsøk var tann, at skiparin ikki legði so stóran dent á elektronisku sjókortini, tí hann kendi farleiðina. Hann varnaðist ikki, at sjókortið boðaði frá grunnum vatni framman fyri stavn.

Triðja orsøkin var, sambært skaðanevndini, at skiparin tosaði við maskinmeistaran um blackoutið, teir høvdu í Havn.

Skiparin hugsavnaði seg tí ikki út í æsir um sjálva siglingina. 

Hjálparmotorarnir steðgaðu

Sambært frágreiðingini hjá donsku skaðanevndini steðgaðu báðir hjálparmotorarnir, júst sum Eivind hevði loyst í Havn.

Men teir komu skjótt í gongd aftur.

Hvør sær plaga hesar tríggjar orsakirnir ikki at elva til trupulleikar, hóast tær eru óvanligar, men allar tríggjar saman gjørdu tað.

Helt seg vera á aðrari posisjón

Samanumtikið helt skiparin, at skipið var statt á einari aðrari posisjón enn skipið veruliga var.

Eivind var á veg til Kollafjarðar av Havnini, tá óhappið hendi.

Tveir menn, skiparin og maskinmeistarin, vóru við Eivindi, tá hann sigldi á Flesjarnar 2.august.

Danska skaðanevndin sigur, at trý viðurskifti gjørdu, at Eivind sigldi á Flesjarnar.


 

Er kopiera
Nýggjastu sendingar í ÚV
Týsdag 7. desember
2SOME: Nýggj duo og nýtt staklag
132431
Týsdag 7. desember
NiviNaja 6. partur
33819
Týsdag 7. desember
Óhoyrt: Jamaika, Cholo Goth og ísur
132422
Týsdag 7. desember
Tempo 07 des 2021
132420
Týsdag 7. desember
Góðan morgun Føroyar 07. desember 2021
132397
Nýggjastu sendingar í SV
Mánadag 6. desember
3-2
132386
Sunnudag 5. desember
Andaktin
132331
Sunnudag 5. desember
Hvør veit?
132362
Sunnudag 5. desember
Guðstænasta úr Viðareiðis kirkju
132320