Steve Bruce uppsagdur í Newcastle

20.10.2021 - 12:10

Ítróttur›Fótbóltur

Nýggju saudiarabisku eigararnir av enska fótbóltsfelagnum Newcastle eru byrjaðir at seta sín dám á felagið. Fyrsta maður, ið varð offraður, var ikki óvæntað venjarin

Uni L. Hansen

Dysturin móti Tottenham sunnudagin bleiv tann síðst hjá Steve Bruce sum venjari í felagnum. Hann er nú uppsagdur

Mynd: Scanpix

Nógv hevur verið tosað um tað, síðani enska fótbóltsfelagið Newcastle varð uppkeypt herfyri, men nú tað so hent.

Steve Bruce er uppsagdur sum venjarin í Newcastle.

Tað er eitt felag hjá einum saudiarabiskur grunni, ið hevur keypt Newcastle. Og tað er ikki nøktandi fyri nýggju eigararnar, at liðið liggur trý stig omanfyri niðurflytingarstrikuna, nú átta dystir eru spælir.

Sunnudagin tapti Newcastle 3-2 móti Tottenham, og tað var túsunda ferðin, at Steve Bruce stóð á odda fyri einum liði sum venjari.

Newcastle boðar frá, at skilnaðurin hendir í sátt og semju. Tað sigst, at Steve Bruce fær 75 milliónir krónur í fráfaringarløn.